Factiv 終於都出洗面啦！😳
研發時間真係一年有多🤯🤯
今次出既CAT1 離子透明質酸保濕淨膚乳
係無泡潔面乳黎
弱酸性 接近皮膚pH值
亦無香料
適合所有肌膚使用
亦可以用黎卸除面部淡妝😌😌
–
另外 用左陽離子透明質酸複合物
有保濕既作用
溫和洗面既同時都護膚既👍🏻👍🏻
180ml 原價係$215
而家有Early Bird優惠價 $195
(去到7月3日23:59）
💦產品簡介
CAT1 = C̲A̲T̲IONIC HYALURONIC ACID COMPLEX 1̲%
📝無泡配方
選用左兩隻潔面成分
Sodium Cocoyl Isethionate (SCI)
Cocamidopropyl Betaine
都係常見到嬰兒清潔用品
溫和既清潔劑黎既
潔淨皮膚既同時
唔會帶走過多皮脂👍🏻👍🏻
📝離子技術
含1% 陽離子透明質酸複合物
Cationic Hyaluronic Acid Complex
用技術令複合物帶有正電荷
可吸附係帶負電荷皮膚角質層上
所以唔會輕易係洗面時被沖走
於洗面後發揮保濕作用
–
複合物中既透明質酸鈉同水解透明質酸鈉
分子都係細既 可以做到經皮吸收
補濕之餘 可以修復皮膚受損細胞
強化皮膚屏障💪🏼
💦成份分析
總共21種成份
唔多亦唔都複雜👍🏻👍🏻
全部都係安全性高 低刺激性
好好既成份黎
–
兩款主要潔面成份都係
較溫和、唔刺激皮膚
同唔乾澀既清潔劑黎既😌😌
–
除左陽離子透明質酸複合物
都加左一d親膚性高既保濕滋潤成分
有荷荷巴油、維他命B5、甘油、角鯊烷
–
配方用左6款多功能既Surfactant
全部有乳化功能既
大多同時都有潤膚保濕
同提升產品質感既作用
去營造水潤輕薄 Lotion既質地
有幾款有輕微既清潔力
可以加強到配方既潔力😌
–
而防腐劑都用左
Phenoxyethanol 苯氧乙醇
Caprylyl Glycol 辛甘醇
Ethylhexylglycerin 乙基己基甘油
3款都係高安全性既
💦用後感
質地係好水潤 易推開既Lotion☺️
唔會起到泡既
無香味 聞落係原料既味道
乾手乾面打圈按摩 可以卸除淡妝
我用遮瑕膏有色粉餅眼影果d
按摩完過水 都會卸得好乾淨👍🏻👍🏻
唇膏既話 最好都係配合化妝棉去抹
就會卸得乾淨
但如果眼線 睫毛液 咁近眼既
官網都係建議用番專用卸妝產品既🙈
用黎洗面既
就可以濕左塊面先 再打圈按摩
感覺真係好溫和
不過 入左眼會有少少蒙既
–
洗完感覺係乾淨既
唔會乾 唔會崩緊👍🏻👍🏻
反而有滋潤補濕到
皮膚摸落好軟滑既🤤🤤
我自己乾肌同多數淡妝
就好中意用佢💗💗
一支兩用好方便👍🏻
同埋佢好溫和
仲補到濕 洗面同時護膚
乾肌同敏感肌 一定會好中意😳😳
不過 偏油肌就可能會覺得唔夠力
建議都係門市試下質地先💪🏼
全成份分析
💦Aqua/water 水
💦Cocamidopropyl Betaine 椰油醯胺丙基甜菜鹼
界面活性劑、溫和既清潔劑，可令泡沫更多更綿密。單一使用清潔力較弱，所以通常同其他清潔成份一齊使用。
有研究指Cocamidopropyl Betaine 於製造過程易受雜質污染，受污染既Cocamidopropyl Betaine會有輕微致敏風險。
💦Butylene Glycol 丁二醇
用作保濕劑、溶劑，可減少產品粘度，亦可幫助其他成份有效吸收至皮膚。
💦Sodium Cocoyl Isethionate 椰油醯羥乙磺酸鈉
溫和、唔刺激皮膚、唔乾澀既清潔劑，可以起到綿密既泡。
💦Cetearyl Alcohol 棕櫚醇
乳化劑同潤膚劑 ，係fatty alcohols既一種，可以幫助皮膚鎖水，亦可提升產品質地。
💦Squalane 角鯊烷
分子結構非常穩定，同人體皮脂最接近既一種脂質，可與人體皮脂融合，對皮膚既刺激性好低。亦具高皮膚細胞親和性，滲透性亦高，可以滲至皮膚底層。有好好既保濕滋潤功效，可形成皮脂膜，防止水分流失。
💦Ethyl Macadamiate 澳洲堅果油酸乙酯
乳化劑，有潤膚保潔同柔軟皮膚既作用，可以為皮膚提供所需既Fatty Acid。亦可用黎取代矽成份，提升產品質地。
💦Cetearyl Olivate 鯨蜡硬脂醇橄欖油酸酯
乳化劑，有保濕柔膚作用，亦可提升產品質地。常與Sorbitan Olivate 梨糖醇橄欖油酸酯一同使用。
💦Sorbitan Olivate 梨糖醇橄欖油酸酯
有保濕作用既乳化劑，亦可作溫和清潔劑。
💦Ceteareth-20 鯨蠟硬脂醇聚醚-20
乳化劑，Fatty Alcohol既一種。可作溫和清潔劑，亦可提升產品質感。
💦Glyceryl Stearate 甘油硬脂酸酯💦
天然存在係人體中既成份。乳化劑，具保濕同潤膚既作用。
💦Xanthan Gum 黃原膠
天然增稠劑
💦Panthenol 泛醇
泛醇係Alcohol Form既維他命B5，可以話係維他命B5既前體。同時係保濕劑同潤膚劑，有補濕鎖水既能力，可以減少經皮水份流失（Transepidermal Water Loss)。亦有抗炎、舒緩、幫助傷口癒合既作用。有研究指，泛醇可以促進皮膚生產更多既脂質，所以長期使用改善皮膚屏障既完整度。
💦Phenoxyethanol 苯氧乙醇
係其中一款對皮膚刺激性最少既防腐劑，安全性高且無毒。除左人工合成，亦天然存在係綠茶，所以可以口服。
💦Caprylyl Glycol 辛甘醇
一種保濕劑、皮膚調節劑，亦可提升產品質地同延展性。
有抗微生物能力，可用作防腐劑，亦有增強其他防腐劑既抗微生物能力。常與防腐劑Phenoxyethanol苯氧乙醇、Chloroxylenol氯二甲酚一同使用。
💦Organic Simmondsia Chinensis (Jojoba) Seed Oil 有機荷荷巴油
保濕、滋潤同修復。含有豐富既鱈油酸、棕櫚酸、維他命B同E同不飽和脂肪酸，有舒緩皮膚敏感、加強同修復皮膚障壁既作用。
💦Glycerin 甘油
保濕劑，NMF既其中一種。可補濕鎖水，強化、修復皮膚屏障，亦有幫助其他成份滲透至皮膚表層既功能。
💦Hydrolyzed Sodium Hyaluronate 水解透明質酸鈉
經水解既透明質酸鈉，分子會再比透明質酸鈉細，可以更深入皮膚補濕，亦有修復皮膚細胞既功效。
💦Polyquaternium-10 聚季銨鹽-10
高水溶性同吸附力既陽離子複合物，有潤膚同提升產品質地既作用。
💦 Sodium Hyaluronate透明質酸鈉
透明質酸既鹽份，與皮膚組成物質相同，份子比透明質酸細，更易被皮膚吸收。
💦 Ethylhexylglycerin 乙基己基甘油💦
有輕微補濕作用既柔膚劑。亦有防腐作用，可以提升Phenoxyethanol 苯氧乙醇既防腐效能。
Nik💄生活隨筆 Beauty & Lifestyle Share 